الكوردن بلو بطريقه سهله وروعه

المقادير وتكفى 2-4 اشخاص
1- نصف كيلو صدور بانيه
2- جبنة شيدر
3- لانشون لحم حلوانى
4- زيتون اخضر شرائح
5- ملح وفلفل وشوية زعتر للزينه حسب الرغبه
6- دقيق وبيضه وبقسماط
7- زيت ذرة حوالى نصف كوب و2 ملعقه كبيرة زبد
8- شوية حلوين من خلة الاسنان عشان نقفل بيهم الفراخ
الطريقه
1- نجيب الصدور البانيه ونشوف لو فيه صدر تخين نقطعه شرائح بالعرض يعنى بدل ما ادامك صدر واحد تخين تخليهم 2 او ثلاثه رقيقه حسب تخانة الصدر وحسب شطارتك برضه عشان متبهدليش الفراخ
2- نتبل الصدور بالملح والفلفل ونتركها تتبل لا يقل عن ساعة
3-نفرد الصدور ونضع بداخل داخل كل صدر فوق نصفه السفلى قطعة جبنة شيدر حلوة وفوقها قطعة لانشون حلوة وحجم مناسب للصدر وممكن تضيفى بعض شرائح الزيتون الاخضر
4- تجيبى نصف الصدر العلوى وتطويه وتخليه فوق الحشو والنصف السفلى
5- تجيبى خلة الاسنان وتقلى الجانبين المفتوحين بحرص وتخلصى الكميه كلها وتضعيه فى الثلاجه
5-تحضرى تتبيلة البانيه ونقولها بسرعه طبق دقيق وطبق بيض مخفوق معاه ملح وفلفل وملعقة كبيرة زيت ذرة وممكن ملعقة لبن وطبق بقسماط ومعاه توابل وملعقة لبن بودرة ولو عنك دقيق ذرة او سيريلاك اطفال يبقى تضيفى ملعقه كبيرة وتخلطى
6- تخرجى الفراخ المحشوة وتتبليها كالمعتاد الاول الدقيق ثم البيض ثم البقسماط وتضعى الطبق فى الفريزر لمدة نصف ساعة
7-تجيبى صينية تيفال او لو مفيش صينية عادى وتضعى طبقة فويل وتدهنيها بماده دهنيه
8- ترصى الفراخ المحشوة المتبله بانيه بعنايه بعد ما تخرجيها م الفريزر
9- تكونى حاطة زيت الذرة والزبد على النار لحد ما يسخن الزيت كويس اوى وتصبيه بالملعقه وهو ساخن فوق الصدور المحشوة اللى فى الصينيه
10-ندخل الصينيه فرن عالى الاول لمدة 10 دقائق ونهدى لحرارة متوسطه ونقلب كل وجه لمده من 25-30 دقيقه ونقلب بحرص شديد حتى لا نقشر طبقة البانيه
11- لما يتحمر ويستوى كويس خرجيهم الفرن وضعيه فى طبق التقديم وتحاولى تنزعى خلة الاسنان بخفة وحرص وممكن تضيفى رشة زعتر او اى خلطة اعشاب بتحبيها بتبقى تحفة ويقدم مع ارز ابيض او كارى وسلاطة بسلة بالمايونيز