كيف تصطادين عريس؟؟؟

Admin المساهمات : 242 تاريخ التسجيل : 02/09/2010

ََأهلا وسهلا بالبنوتات الحلوينَََ

كيف تصطادين عريس؟؟؟

للاجابة على هذا السؤال اليك مايلي ..

أهم نقطة :خليكى زى اللزقة الأنجليزى فى الست اللي حاطه عينك على أبنها ونفذي ما يـأتي:ـــ

دلوقتى جه وقت التنفيذ

1 خليكى مع مامتك ماتمشيش مع البنات وتستهبلي اصبري شوية كلها كم شهر لغاية ماتخلص العملية

2..امشي وانتي حاطة راسك فى الأرض ماترفعهاش أبدا..مهما يحصل علشان يقولوا البنت مؤدبة وموش متكبره ...

3 ـ
..كلمة خالتي خليها على لسانك وخاصة لأم الخفاش علشان تحس بنوع من التميز لامانع انك تنادي وحده ثانيه بخالتي عشان لو مانجحتش الخطه مع العجوز الاولى تنجح مع العجوز الثانيه وحطيها كخطه احتياطيه

وبرضه الأحتياط واجب مش كده ولا أيه

4ــ ..لومامتك أتكلمت أديها كوع عشان تدخلك بالموضوع حتى لو مالكيش فيه

5ـ اخواتك الصغيارين أهتمى بييهم وخليكى وراهم مكان مايروحوا حتى لو مش من عادتك بس تصرفي معاهم كانك امهم لأن هذا يوحي بما لايدعو مجال للشك عند العجوز بانك هتبقى حريصه على ولادك وحنينة وست بيت شاطرة ..

6ــ - أي اكله حلوة تاكلها مامتك خليها تقول نفس الاكله اللي بتطبخها بنتي ( حتى لو الاكل من مطعم صيني او هندي)

7ــ ..دايما ألعبى عقلة في الباب علشان لا ينقص من طولك ولا سنتيمتر ( للقصار فقط )

- وانتى بتمدى ايدك توجعي وخلي مامتك تقول : قولتلك مفيش داعي تنظفي جدران البيت الخارجيه >> (نظفي أوضتك الأول اللي كأنها متفجر فيها قنبله ذريه ).

9- اذا تكلموا الستات عن الزواج اكتمي نفسك لغاية ماتحمر خدودك علشان يقولوا البنت مكسوفة ومالناش حق **بس خدى بالك مطوليش لتروحي فيها وأبقى قتلت نفس بغير حق..

10.مهما كان موضوع الحوار حماسي ماتبديش رأيك وخليكى ساكتة أحسن لان اللقافه تخربلك الخطه

11..سيبى شعرك وسشوريه ومتعملهوش أى موضة جديدة لأن االعواجيز مايعترفوش الا باللي شعرها ناعم.. غير كده محدش هيعبرها ..

12الو أتكلمت العجوز ام الخفاش بأي رأي سواء كان اقتصادي او سياسي او وطني : وافقي عليه "حتى لو ملهوش داعي

13في اي فرح ماترقصيش امسكي نفسك واعتبري الرقص عيب وقلة حيا

14 خلي مامتك تقول
بناتي مابيخرجوش أبدا وحاجاتهم أبوهم اللى بيجيبها (( مع انك حافظه كل المولات اللي فى الدنيا مش بس اللي في بلادك عن ظهر قلب))

احتمال وارد الحدوث :ممكن تكون العجوز مخططه على بنت غيرك لكن بعد النقاط السابق ذكرها بتغير رايها وتخطط عليك...

دلوقتى بقى بتكون العجوز وقعت باالفخ..

جه دور عريس الغفلة

نروح للعريس الان
.
1- خلي ابوكى يقول: والله نفسى تشوف البنت بدون ماتاخد بالها عشان تاخذ راحتك وبعد ماتشوفها عالطبيعه ماتقولش غشيتوني (والله لو بيدك ان تحط مكانها باسكال مشعلاني)

2- اذا جه العريس خلي اخوكى يوقف بجنبه عشان ما يفضلش يبحلق ويبان المستخبي وذلك تطبيق لنظرية ( اللمحة ذبحه).

3- في نهاية المشهد خلي ابوك يقول : معليشى أصلها مكسوفة شوية

نرووووووووح للعريس

يوم ماييجي للخطوبه......

دلوقتى المسكين فاكر انها تشبه اليسا ولا مايا نصري

وقبل ما يجي موعد الزيارة بحوالي شهر أو أكثر

اشتغلي (صبغه ،تنظيف بشرة، الخ ) على أد ماتقدرى

ويوم يجي العريس خلي أخوكى يوقف فووق راسه و انتي بقى عليكى ب(( النظرة القاتله ))

هنا حسب النظره اللي بيردها لك اذا أتسطل أضمني أن الراجل وقع ولاحدش سمى عليه ولو قعد يبص للناس اللى قاعدة يبقى راحت عليكى ياقمر

**نصيحه:

أنا عارفة ان صاحباتك هيلاحظوا التغيرات المفاجئه اللي أنتى عملاها واذا سألوك قولي لهم :انك خلاص عقلت

عارفة ليه؟؟

خوفا من سرقة الفكرة الادبية

دلوقتى بقى عايزة أبتدى أسمع أخبار حلوة

عقبال ما أشوفكم بال.....

ولا حد يزعل هو بس من باب الضحك ليس الا

وسلامتكم